Padányi Biró Márton
püspöki kinevezési okmánya
(1745. III. 18.)
Idézve: Pehm József: Padányi Biró Márton veszprémi püspök élete és kora. Zalaegerszeg, 1934. pp. 438-439.

"(eredetije 1934-ben a Vas megyei Levéltárban, a Régészeti Egylet iratai között volt - XVIII. doboz)
Nos Maria Theresia Dei gratia Regina Hungariae, Bohemiae etc. : Memoria commendamus Tenore Praesentium significantes quibus expedit Universis. Quod Nos pro ea, qua in constituendis Ecclesiarum Dei pastoribus tenemur, Cura et Sollicitudine, perbenignam habentes Rationem eximiarum Virtutum laudatorumque et acceptabilium Morum, singularisque Doctrinae et Eruditionis ac omnibus gratae et acceptae exemplaris Vita Conversationis caeterarumque praeminentium Animi Dotum et Qualitatum Fidelis Nostri Honorabilis Martini Biro de Padány Capituli Cathedralis Ecclesiae Veszprimiensis Praepositi Majoris, et Tabulae Nostrae Regiae Iudiciariae Praelati, necnon Praepositi Beatae Mariae Magdalenae de Felső-Eörs, quibus Ipsum Dei Altissimi Munere insignitum et ornatum esse tam plurimorum Fidelium nostrorum fidelibus Testimoniis, quam etiam propria experientia nostra benigne cognovimus. Insuper clementer in memoriam revocantes constantem Eiusdem Fidem et Fidelitatem, fideliaque et utilia Servitia, quae inde a plurium Annorum decursu ad praesens usque variis in Occasionibus publicisque Functionibus et vel maxime sub Ultima praefati Regni nostri Hungariae Generali Diaeta et nostra in Reginam Hungariae inauguratione (Cui, ut Ablegatus dicti Capituli Veszprimiensis interfuit) uti et ad praefatam Tabulam nostram Regiam in qualitate Con Judicis, in peculiarem Servitii nostri Regii Promotionem et Iustitiae Administrationem, adeoque Boni quoque Publici Incrementum, cum benigna Satisfactione nostra zelose, alacriter et constanter exhibuit et impendit. Benigne ad haec considerantes Ministerium, quod praefatus Martinus Biro in Vinea Domini, adeoque Dei ecclesia inque diversis praefatae Dioecesis Veszprimiensis Spritualibus Muniis; ac primum quidem in munere Parochi, dein praefatae Ecclesiae Cathedralis Veszprimiensis Canonici, et simul Ecclesiae Beatae Mariae Magdalenae de Fölső-Eőrs Praepositi, succesive vero Generalis Vicarii et tandem praefatae Ecclesiae Veszprimiensis Praepositi Maioris Populum partibus in illis Seminatione Verbi Divini erudiendo et a Vera Fide aberrantes ad Ovile Christi reducendo, Ecclesias desolatas restaurando, alias vero funditus erigendo et Sacro Supellectile dnando, omni denique affulgente occasione Cultum Divinum in Othodoxae Ecclesiae Incrementum zelose promovendo praestitit: Qua etiam ratione Nobis quidem commendatum, Clero vero, et universo Orthodoxae Religionis praefatae Dioecesis Populo ita gratum et acceptum semet reddidit ut singularibus Precibus et Supplicationibus, pro communi eiusdem Dioecesis Pastore et Episcopo a Maiestate nostra expeteretur. Atque hinc benigne persuasae: Quod praefatus Martinus Biro coepitos in Ecclesiae Dei Propagationem Conatus in antelato Munere Episcopali, ac praefata Dioecesi Veszprimiensi tanto ardentiori zelo et assiduitate sit continnaturus, quanto maiorem Dioecesis ea, velut etiam Haeterodoxis referta, Curam et Vigilantiam requirit, imo exigit; Eundem Martinum Biro de Padány tanquam Personam idoneam, Nobisque hoc Nomine gratam et acceptam ad Episcopatum Veszprimiensem nunc per Mortem et ex hac Vita decessum Reverendi Adami Acsády modo fati Episcopatus Veszprimiensis ultimi veri, ac legitimi Possessoris de Jure et defacto vacantem Authoritate Juris Patronatus nostri Regii, quod generaliter in conferendis omnibus praedicti Regni nostri Hungariae, Partiumve eidem annexarum Ecclesiis et Beneficiis, instar Divorum quondam Hungariae Regum, Praedecessorum videlicet nostrorum gloriosae Reminiscentiae optimo Jure habere et exercere dignoscimur, promovendum et nominandum, Ipsique: praefatum Episcopatum Veszprimiensem una cum omnibus castris, Castellis, Oppidis, Villis, Praediis, ac Possessionibus et cunclis aliis Pertinentiis, Bonisque et Juribus Possessionariis ubivis, et in quibusque praenotati Regni nostri Hungariae Comitatibus existentibus, habitis quocunque nomine vocitandis; cunctis denique Obventionibus et Utilitatibus, Praerogativaque, et immunitate, ad Eundem Episcopatum Veszprimiensem de Jure et ab antiquo spectantibus, et pertinere debentibus, Eidem Martino Biro de dicta Padány clementer dandum, et conferendum esse duximus; Ea tamen conditione, et Obligatione speciali: Ut ex Bonis et reditibus eiusdem Episcopatus, singulis annis Quatuor Mille Florenos Rhenenses ad Generalem Parochorum Cassam in Regno Hungariae institutam, a Tempore, quo Bonorum ad eundem Episcopatum spectantium Possessionem adierit, pendere, et praestare teneatur, fitque obligatus; Imo nominamus, eligimus, damusque et conferimus Praesentium per Vigorem. Quocirca Vobis Fidelibus nostris Honorabilibus, Lectori, Cantori, Custodi, caeterisque Canonicis, et Beneficiciis, universisque eiusdem Dioecesis Clericis ac religiosis harum serie firmiter praecipientes committimus et mandamus, quatenus a modo imposterum praenominatum Martinum Biro pro vestro legitimo et indubitato Episcopo ac Praelato habere, ac recognoscere, Eidemque debitam Reverentiam, Honorem, et Obedientiam, sicuti bonos et pios Ecclesiae Ministros decet, praestare et exhibere, Eidemque parere et obtemperare modis omnibus debeatis et teneamini, Secus non facturi. Datum in Archi-Ducali Civitate Nostra Vienna Austriae Die Decima octava Mensis Martii, Ano Domini Millesimo, Septingentesimo, Quadragesimo quinto. Regnorum nostrorum: Hungariae, Bohemiae, et reliquorum Anno QVINTO."